- منحة تشيفننج بشكل أساسي هي منحة لدراسة الماجستير في بريطانيا و بتغطي تكاليف الدراسة والمصاريف و بتسهل الحصول على فيزا الدراسة للطلاب

- اهل غزة اللي موجودين خارج غزة بيكون سفرهم لبريطانيا أسهل في حال قبولهم

- اهل غزة اللي لسا موجودين في داخل غزة و حابين وقادرين يقدموا يتوكلوا على الله. ما حدش بيعرف كيف رح تتطور أمور المعابر

- بدات المنحة باستقبال الطلبات اول شهر أغسطس و حتنتهي اول شهر نوفمبر

- ابدأوا الحين في التجهيز للطلب

- المنحة بنقدم الدعم المادي في حال تمكن الطالب من الحصول على قبول في جامعة بريطانية لبرنامج ماجستير يعتمد على مواد دراسية بشكل أساسي و ليس من الماجستير البحثي. يعني MSc

- المنحة عبارة عن طلب اونلاين بيدخل فيه الطالب معلومات شخصية والدراسة السابقة و خبرات العمل و 3 خيارات ماجستير من بريطانيا سواء قدم لهم او حابب يقدم لهم. و ممكن تغيير هاي الخيارات لبعدين لكن بشكل محدود.

- بتتطلب المنحة خبرة لا تقل عن سنتين و ممكن تكون خبرة في عمل أو تطوع او مجالس طلابية او فرق تطوعية مجتمعية. كله بيزبط.

- أكبر جزء في التقديم للمنحة هم 4 اسئلة بتحدد بشكل اساسي اذا الشخث حياخد المنحة او لا و هي:

1 المهارات القيادية

2 مهارات التشبيك

3 اختيار برنامج الدراسة

4 الخطة في المستقبل

- كل شخص من غزة عنده تجربة كتير غنية وبيقدر يشكلها بطريق تجذب انتباه لجنة الاختيار

- و كل جزئية شايفينها مشكلة في مسيرة دراستكم او شغلكم ممكن اعادة صياغتها لتكون نقطة قوة في طلبكم

افتحوا على موقع المنحة واقرأوا عنها

https://www.chevening.org/

افتحوا اليوتيوب وابدأوا تعلموا عن المنحة

ابدأوا اكتبوا و لو بشكل عشوائي على شكل نقاط ممكن تستخدموها في كتابة طلب المنحة

الفترة الجاية رح أحاول انزل بوستات تانية تةضح كل خطوة بإذن الله

المنشور الثاني لتوضيح الجدول الزمني للتقديم لمنحة تشيفننج 2024-2025

انتم بتبدأوا تقدموا من الأن بهدف الدراسة كمان سنة في شهر سبتمبر سنة 2025

التقديم يتطلب تحضيرًا جيدًا:

- 6 أغسطس 2024: باب التقديم مفتوووووح

- 5  نوفمبر 2024: آخر موعد للتقديم كمان شهرين. ما تركنوا انو تعملوا الطلبات في اخر ايام. الطلب والبحث عن برنامج ماجستير مناسب بياخد وقت كتير

- بهدها بيفرزوا الطلبات بناءا على المعايير الأساسية للتقديم

- منتصف فبراير 2025: الإعلان عن المتأهلين للمقابلات عن طريق الايميل

-  براير 2025: الموعد النهائي لتقديم المراجع والوثائق الدراسية

- مارس و أبريل 2025: إجراء المقابلات. سيتم إجراء المقابلات في جميع أنحاء العالم للمرشحين المتأهلين، وستتم في السفارات والمفوضيات البريطانية.

- يونيو 2025: إعلان النتائج

- يوليو 2025: الموعد النهائي لتأكيد قبول المنحة و اختيار الجامعة النهائية مع وجد قبول غير مشروط من جامعة بريطانية

- سبتمبر/أكتوبر 2025: بدء الدراسة

بنحاول نجمع معلومات التقديم للمنح في موقع مؤقت لتسهيل الوصول للمعلومات

المبادرة قيد التطوير بناءا على رغبات الطلبة